پاش دەركەوتن‌و بڵاوبوونەوەی پەتای كۆرۆنای نوێ (covid-19)، كۆلێجەكەمان لەبواری زانستە مرۆییەكان‌ توانی یەكەم توێژینەوەی زانستی خۆی تایبەت بەم نەخۆشییە بەناونیشانی (كاریگەری پەتای كۆرۆنای نوێ لەسەر هەرێمی كوردستان، لێكۆڵینەوەیەك لەجوگرافیای رامیاری‌و پزیشكی) بەرهەم بهێنێت، بەمەش كۆلێجەكەمان پێشەنگ بووە لەم بوارەدا پاش راگەیاندنی وەزارەتی خوێندنی بالا‌و دابینكردنی گرانتی پێویست بۆ ئەنجامدانی توێژینەوەی زانستی. ئەم توێژینەوەیەش لەلایەن هەردوو مامۆستای كۆلێجەكەمان بەڕێزان (پ.ی.د.ئەحمەد رەفیق كریم )  و ( م.شاد حەمید محەمەد) ەوە نوسراوە، كە هەوڵێكی گرنگ‌و زانستی دەستپێشخەرییە لەمڕوەوە.

سوپاس‌و دەستخۆشی لەهەردوو مامۆستای ناوبراو دەكەین‌و هیوای سەركەوتنی زیاتریان بۆ دەخوازین.